|
Little Lollipops
Chihuahua
Um Chihuahua
Lýsing
Chihuahua er minnsta hundategund heims og vegur aðeins í kringum 2
kg. Þó hann sé lítill í stærð heldur hann sjálfur að hann sé
heimsins stærsti hundur. Sagt er að hann sé stór hundur sem hafi
lent í litlum búk. Tryggur, húsbóndahollur, mjög fjörugur og
greindur. Chihuahua á það til að umgangast bara hunda af sömu
tegund, þess vegna þarf að umhverfisvenja þá vel frá hvolpsaldri.
Þeir eru viðbragðsskjótir, djarfir og hugaðir litlir hundar. Komið
hefur fyrir að fólk hafi komist upp með það að Chihuahua hundurinn
þeirra fær inngöngu með þeim á hótel og aðra álíka staði, svo lítill
er hann. Chihuahua verður mjög háður eiganda sínum og á verði
gagnvart ókunnugum. Hárafar er mismunandi, ýmist snöggt eða loðið.
Uppruni
Uppruni Chihuahua er enn dulinn.
Sérfræðingar geta sér til um að litlir hundar, líkir og Chihuahua
hafi komið til Ameríku með spænska hernum frá Hernando Cortes árið
1519. Önnur kenning er sú að kínverskir sjóferðalangar hafi tekið
með sér litla smáhunda til Ameríku fyrir komu þeirra til Evrópu.
Einnig er talið að tegundin sé uppruninn í Mexíkó, sem er talin
líklegasta kenningin. Tegundin var fyrst flutt til Evrópu
(Bretlands) árið 1850. Chihuahua er nefndur eftir fylki í Norður
Mexíkó, þaðan var hann fluttur til Evrópu og síðan víða um heim.
Chihuahua tók þátt í helgisiðum í Mexíkó fyrir mörgum árum, þeir
voru sagðir vera heilagir, þeim var stundum fórnað fyrir guðina.
Umhirða
Snögghærður Chihuahua þarf litla sem
enga feldhirðu, en bursta þarf síðhærða afbrigði reglulega. Böðun
þegar nauðsinlegt þykir. Klær er klipptar eftir þörfum og fylgjast
þarf með augum og tönnum (vegna tannsteinsmyndunar).
Hreyfing
Chihuahua verðu heilbrigðari
og ánægðari ef hann fær reglulega hreyfingu. Hann ætti að fá daglega
meðallanga göngutúra. Chihuahua er viðkvæmur gagnvart kulda.
Leyfilegir litir
Allir litir leyfilegir.
Vinsælustu og algengustu litirnir eru ljósgulbrúnn eða brúnn,
súkkuaðilitaður, ljósgulbröndóttur eða brúnn og hvítur, kremlitaður,
ljósgulur og silfur, silfurgrár, svartur og brúnn og svartur.
Hæð á herðakamb
Ekki skilgreind.
Þyngd
1,5 - 3 kg. Hundar yfir 3 kg.
óæskilegir.
Staðreyndir
|